AZOKAREN DESKRIBAPENA

• 50 urtetik gorako pertsona nagusi eta familientzat Gipuzkoan egindako lehenengo Azoka izan zen. EXPOADINTSU Azoka Eibarko Astelena Frontoian ospatu zen irailaren 29an eta 30ean, eta urriaren 1ean. 50 urtetik gorako pertsona nagusiei eta euren familiei zuzenduta antolatu zen eta bertan kolektibo honentzat produktu, zerbitzu edo baliabideren bat eskaintzen duten Erakunde, Debabarreneko Udaletxe, Elkarte eta Enpresek hartu zuten parte.

AZOKAREN HELBURUA

• 50 urtetik gorako pertsona nagusientzako eta euren familientzako Gipuzkoan egiten den lehenengo Azokaren helburua izan zen pertsona nagusien beharrak asetzeko eta bizi-kalitatea hobetzeko dagoen eskaintza bateratzea. 50 urtetik aurrera pertsonen beharrak eta bizimodua aldatzen hasten dira, menpeko familia bat dute beraien kargura, etab.

• Azokak parte-hartzaile nahiz bisitarien artean sinergiak sortzea erraztu zuen eta Debabarrenerako nahiz beste eskualdetarako ekimen berriak eta interesgarriak proposatzeko eta sustatzeko abagune ederra eskaini zuen.