Bizigura, bizitzeko gogoa, bizi nahia, azken baten, bizitza, bizitza ematea. Horixe da aurkeztu berri duten programak lortu nahi duena, Deba eta Ego ibaiei bizitza ematea. Horregatik, Bizigura izena eman nahi izan diote arduradunek programa horri.

Ostiraleko aurkezpen ekitaldian parte hartu zuten Debabarreneko zortzi udaletako ordezkariek, Debegesako zuzendari Juan Ángel Balbásek eta Eusko Jaurlaritzako Lurralde Antolamendu eta Uren Sailburuorde Iñaki Atxukarrok.

URA Euskal Agentziak eta Debegesak sinatutako akordioaren pean garatu da programa hori eta proposamen izaera duen, garatzeko aukera ematen duen eta irekia eta parte-hartzailea den plan  estrategikoa da.

Ekintza egituratzaileak

Ekintza Plana ibar osoari dagokio eta ingurugiroari, gizarte arloari eta alderdi ekonomikoari lotutako ekintzak proposatzen ditu.

Ekintza Planaren bizkarrezurra honako ekintzek osatzen dute:

• Ibarraren saneamendu osoa

• Ingurugiroaren leheneratzea

• Faunaren igarobideak

• Eguneroko erabilera: paseatzeko ibilbideak eta mugikortasun alternatiboa

• Azpiegiturek eskaintzen dituzten aukerak

• Ibaiari lotutako eta aisialdiarekin lotutako azpiegiturak

Parte-hartzaileen jardunak:

Esan bezala, Biziguraren aurkezpenean parte hartu zuten Debabarreneko zortzi Udaletako ordezkariek, Debegesako zuzendari Juan Ángel Balbásek eta Lurralde Antolamendu eta Uren Sailburuorde Iñaki Atxukarrok.

Hona hemen euren jardunak; klik egin:

• Iñaki Atxukarro, Eusko Jaurlaritzako Lurralde Antolamendu eta Uren Sailburuordea

• Juan Ángel Balbás, Debegesako zuzendaria

• Aitor Loiola, Mallabiko Alkatea

• Mari Asun Ardanza, Ermuko Udaleko Ingurugiro zinegotzia

• Miguel de los Toyos, Eibarko Alkatea

• Manu Astray, Elgoibarko Udaleko Hirigintza eta Ingurugiro batzordeko kidea

• Irune Berasaluze, Mendaroko Alkatea

• Josebe Astigarraga, Mutrikuko Alkatea

• Jesus Mari Agirrezabala, Debako Alkatea