Mallabiko Goitondo industrialdearen azterketan oinarritzen da, ekosistema industrial batera eboluzionatu eta aldatzeko.

Goitondo industrialdeko enpresen artean lankidetza aukera guztiak bilatzean oinarritzen da, baliabideen kostua gutxitu, hondakinak berrerabili edo materialen garraio amankomunerako ekimenak proposatuz.

Ekimen honek baliabide material eta energetikoen efizientzia hobetzea du helburu, industrialdearen jardueran iraunkortasun maila altuagoa eskuratuz. Epe luzean, lortu nahi diren helburuak hauek dira:

• Enpresen arteko lankidetza kultura sustatzea industrialdea hobetzeko proiektu berriak garatu ahal izateko.
• Lan metodologia bat garatzea, Goitondon aurrera eramandako proiektua EAEko beste industrialde batzuetan ezartzeko.

Proiektu hau DEBEGESA, Mallabiko Udala, Mondragon Unibertsitatea eta Euskal Herriko Unibertsitatearen arteko ekimena da.