Geoparkearen Astea Europako Geoparke guztietan ospatzen da aldi berean, lurralde bakoitzeko ondarea herritarrengana hurbiltzeko helburuarekin.
Informazio gehiago www.geoparkea.com.
]]>Ordenantza honek Debabarreneko eraikin eta etxebizitzen birgaitze lanetan jasangarritasuna bultzatzea du helburu, baita birgaitze jasangarria eraikuntzaren sektoreko profesional, gremio eta enpresen lehiakortasuna hobetzeko erreminta gisa ikusaraztea ere.
Debegesako Hirigintza eta Birgaitze Saileko arduradun Esther Zarrabeitiaren hitzetan, “eskualde mailako Ordenantza bat egin nahi dugu, asmoa handikoa eta zentzuzkoa era berean, udal-teknikariekin landutakoa eta udal-politikariek onartua, epe ertainean Debabarreneko udaletxeetan onartua izan litekeena”.
Testuaren idazketa burutzeko lan-metodologia bat ezarri da eta lau lan-mahai eratu dira inplikatutako agente guztien partaidetza ahalbidetuz:
Honela, datorren maiatzaren 22an, asteazkenean, goizeko 9:00etan, bilera egingo da Debegesan eraikuntzaren sektoreko Debabarreneko profesionalekin (arkitektoak, aparejadoreak, dekoratzaileak, gremioen koordinatzaileak…), partaidetza bultzatu eta euren ekarpenak jasotzeko.
Ordenantzaren behin-betiko testua 2013 urtearen amaierarako prest egotea aurreikusten da. Helburua da etorkizunean eskualdeko udalerri guztietan martxan jartzea.
Proiektu hau Udalsarea 21-en Berringurumena Programaren baitan kokatzen da.
Debabarreneko Birgaitze Jasangarrirako Fitxak
2010az geroztik, Debegesa Garapen Agentziak birgaitze jasangarria bultzatzen dihardu. Epe honetan, besteak beste, 8 fitxa praktiko argitaratu ditu, birgaitze-lanak jasangarriagoak izan daitezen oinarrizko neurriak jasotzen dituztenak.
]]>
Saio hau Debegesan egingo da, Azitain industrialdean, goizeko 09:00etatik 11:30era. Parte hartzea doakoa da.
Suediako merkatuak eskaintzen dituen negozio-aukerak aztertuko ditu jardunaldi honek eta hazkunde eta inbertsio erritmo handien duten sektoreen gaineko informazioa eskainiko da. Halaber, Suediako merkatuan negozioak egiteko eredu ezberdinak emango dira ezagutzera, kasu praktikoen bidez.
Jardunaldia Valora programaren baitan kokatzen da eta Europako Gizarte Funtsak %50ean finantzatuak dago, Euskadiko 2007-2013 programa operatiboaren bitartez.
Parte hartu nahi dutenek, izena eman dezakete on-line www.debegesa.com web orrian, 943 82 01 10 telefonora deituz edota pymes@debegesa.com helbidera idatziz.
]]>
Denera 15 lagunek parte hartu ahal izango dute egitasmoan. Ikastaroak 205 orduko iraupena du eta hasiera-eguna datorren maiatzaren 20rako dago aurreikusita. Amaiera, berriz, 2013ko irailaren 27rako dago iragarrita. Ikastaroa Debegesaren egoitzan eskainiko da, Eibarren.
Izena emateko epea zabalik dago eta Lanbideren bitartez egin behar da, Elgoibarko bulegoan edota internet bidez (www.lanbide.net), maiatzaren 13a baino lehen.
Interesa dutenek honako baldintza hauek bete behar dituzte:
Informazio gehiago nahi dutenek Lanbideren Elgoibarko bulegora jo dezakete (943 744 425) edota www.lanbide.net atarian kontsultatu dezakete.
]]>
Ikastaro honen xedea da jakinaraztea zein diren adierazle egokienak sare sozialen kudeaketarako aginte-koadro bat eratzeko, eta ikerketa iraunkor horretan sakonago jarduteko tresna profesionalen berri ematea, doakoak zein ordainpekoak.
Ikastaroa teknologia berrietan aditua den Iker Merchanek eskainiko du eta Debabarreneko profesional autonomo eta enpresa txiki eta ertainei zuzenduta dago.
Ikastaroa Debegesak Eibarren duen egoitzan burutuko da, bi egunez, maiatzak 9 eta 10, goizeko 9:00etatik 13:00etara. 8 orduko iraupena du guztira ikastaroak eta 30 euro ordaindu behar dira izena ematerakoan.
Parte hartu nahi dutenek izena eman dezakete on-line www.debegesa.com atarian, 943 82 01 10 telefonora deituz edota pymes@debegesa.com helbidera idatziz.
]]>
Ekimenaren helburu nagusia da gure eskualdean enpresen desagertzea ekiditea ekonomikoak ez diren arrazoiengatik, erretiroa esaterako, eta aldi berean, ekintzaileei bideragarriak diren proiektuak eskura jartzea, arrakastarako aukerak handituz.
Nori dago zuzenduta ekimena:
- Euren jarduera transmititzeko interesa duten enpresa txiki eta ertainak
- Enpresa-jarduera bati ekin nahi dioten ekintzaileak
Webgune berriaren bitartez, berrekin.com, negozioen transmisioarekin erlazionatutako eskaintzen berri emango du Debegesak.
Halaber, Debegesako Berrikuntza eta Enpresa sailak aholkularitza eta informazioa eskainiko die ekimenean parte hartzen dutenei, enpresen jarraipena ziurtatu asmoz eta lanpostuak mantentzeko helburuarekin.
Zertan lagunduko die Debegesak euren negozioa errentan utzi edo saldu nahi dutenei:
Ekintzaileei ere laguntza eskainiko die Debegesak: bideragarritasun-txostena, finantzazioaren bilaketa, tramite legalak…
Helburua enpresen transmisioa modu ordenatu eta planifikatuan egitea izango da, proiektuaren jarraipena eta garapena ziurtatze aldera.
Informazio gehiago edota ekimenean parte hartu nahi dutenak Debegesarekin harremanetan jar daitezke ekintzaile@debegesa.com helbidera idatziz edo 943 82 01 10 telefonora deituz.
]]>
Azokan parte hartu zuten ikasleen artean tablet baten zozketa egin da eta irabazlea Luisa Castro izan da, Eibarko Ignacio Zuloaga Institutuko ikaslea. Luisa Debegesara etorri da oparia jasotzera, irudian ageri denez.
Eskerrik asko parte hartu duzuen guztioi eta zorionak irabazleari!
]]>Eibarko Udala eta Debegesa, Eusko Jaurlaritza eta Tecnaliarekin batera, Europako programa honen bazkide dira, Mogel auzoaren birgaitze integralerako proiektuarekin. Proiektu honek auzo honetako etxebizitza-eraikinen eraginkortasun energetikoa eta irisgarritasuna hobetzea du helburu.
Mogel auzoan 21 etxe-atari daude guztira eta horietatik 15 atarik egin dute bat proiektuarekin. Egunotan burutzen ari den bilera hau urrats garrantzitsua da 15 etxebizitza-erakin hauen birgaitzea errealitate bat izan dadin.
Hain zuzen, egitasmoak honako hobekuntza hauek aurreikusten ditu: igogailuen instalazioa, eraikinen isolamendu termikoa hobetzeko fatxada eta teilatuen birgaitzea eta ur beroarentzako eguzki-plaken eta akumuladore zentral baten instalazioa.
Esperientziak elkar trukatzeko bilera honen baitan, atzo arratsaldean 20 lagunek osatutako talde bat Eibarren izan zen. Armagintzaren Museora joan ziren lehendabizi eta han ongi etorria egin zieten Miguel de los Toyos Eibarko alkateak, Debegesako Zuzendari Juan Angel Balbasek eta Mogel auzoko bizilagunen elkarteko kideek.
Museoan Eibarko historia industriala ezagutu ostean, delegazioa Mogel auzoraino gerturatu zen bertako bizilagunen, udal ordezkarien eta Debegesako kideen eskutik. Bertan datozen hilabeteetan abiatuko diren birgaitze lanez gehiago jakiteko aukera izan zuten delegazioko kideek.
]]>Hizlari arituko da Francisco Javier Vergara Monasterio, SN-Servicios Normativos enpresako Kalitate Arduraduna.
Jardunaldi honen helburua da kalitatea zer den azaltzea, nola kudeatzen den eta zeinengan duen eragina. Era berean, bezero edota bazkide komertzial baten aurrean Kalitatea nabarmentzeak dituen onurak azaltzea du helburu saioak.
Gainera, ziurtagirien garrantziari buruz hitz egingo da, herrialde ezberdinetako organizazioek elkar ulertzeko duten hizkuntza diren heinean.
Jardunaldia Debabarreneko edozein sektoreko enpresetako zuzendaritza taldeko langileei zuzenduta dago. Debegesan burutuko da goizeko 9:00etatik 10:30era. Izen-ematea doakoa da.
Jardunaldia Valora programaren baitan kokatzen da eta Europako Gizarte Funtsak %50ean finantzatuak dago, Euskadiko 2007-2013 programa operatiboaren bitartez.
Parte hartu nahi dutenek, izena eman dezakete on-line www.debegesa.com atarian, 943 82 01 10 telefonora deituz edota pymes@debegesa.com helbidera idatziz.
]]>
Debegesa Garapen Agentzia SPRIren Bitarteko Eragilea da Debabarreneko eskualdean programa hau kudeatzeko. Honela, Debabarreneko enpresa txiki eta ertainei diru-laguntza hauen gaineko informazioa eskaintzeaz gainera, Debegesak interesa duten enpresen eskaerak bideratuko ditu. Diruz lagundutako zerbitzuak zeintzuk diren jakiteko SPRIren webgunean programa honi buruzko atalean kontsulta daiteke.
Txeke bakoitzaren zenbatekoa 1.500 eurokoa da, eta horrekin onuradunak SPRIk homologatutako hornitzaile baten eskutik 2.000 euroko balioa duen zerbitzua eskuratu dezake.
Eskaera egiteko epea apirilaren 15etik dago zabalik, 2013ko ekinaren 7ra bitartean.
Interesa duten enpresek eskaera egin ahal izango dute Debegesako Berrikuntza eta Enpresa Sailaren bitartez. Horretarako, 943 82 01 10 telefonora deitu dezakete edota pymes@debegesa.com helbidera idatzi.
]]>Plan honek dituen helburuen artean, enplegu-aukerak sortzea eta eskualdeko jarduera ekonomikoa bultzatzea dira nabarmendu daitezke.
Debabarreneko Enplegu Plana Lanbidek eginiko deialdiaren baitan kokatzen da. Lehendabiziko fasean, 2012ko irailean hasitakoa, diagnostiko sozioekonomikoa eta eskualdeko lan-merkatuaren azterketa egin zen. Fase honetan, udal-ordezkariekin batera, udaletako langileria teknikoak, agente sozialek, ikastetxeek eta enpresa eta arlo ekonomikoan diharduten ordezkariek parte hartu zuten.
Fase hau amaitutakoan, proiektu konkretuak definitu dira, 2013an gauzatuko direnak. Hala nola, prestakuntza ikastaroak, kontratazioak eta autoenpleguaren sustatzea.
Planak, halaber, bi proiektu jasotzen ditu bereziki Eibarren ezartzeko (prestakuntza eta kontratazioa) eta beste proiektu bat Soraluzen garatzeko (prestakuntza), bi udalerri hauetan langabezia datuak altuak baitira.
Ekimenak 424.288 euroko kostua du guztira; %85 Lanbidek jarriko du, 360.645 euro, eta Udalek gainerako %15a, 63.643 euro.
Langabezian dauden pertsonei zuzendutako ikastaroak
Prestakuntza langabezian dauden pertsonen enplegagarritasuna hobetzeko giltzarria da. Debabarreneko eskualdean langabezian daudenen %70a kualifikaziorik gabeko pertsonek osatzen dute, hau da, lehen mailako edo batxilergorainoko ikasketak dituzte. Datuek agerian uzten dute prestakuntza hobetzeko beharra langabeziaren ondorioak gehien sufritzen dituztenengan, lan-aukerak handitze aldera.
Honengatik guztiagatik, Debabarreneko Enplegu Planak 9 prestakuntza ikastaro espezializatu eskainiko ditu langabezian dauden 129 pertsonentzako. Ikastaroak apirila eta iraila bitartean egingo dira. Hautagaien aukeraketa Lanbidek egingo du.
Ikastaroak ondorengo hauek dira:
Ikastaroetan parte hartzeko ezinbestekoa da Debabarrenean bizitzea edo bertan erroldatuta egotea, eta Lanbiden enplegu-eskatzaile gisa izena emanda egotea. Informazio gehiago nahi dutenek, Eibar (943 127 239) edota Elgoibarko (943 744 425) bulegoetara jo dezakete edota www.lanbide.net atarian kontsultatu dezakete.
Gaitasun ekintzailea eta berrikuntza sustatzea
Ikastaroen gainera, Enplegu Planak autoenplegua eta enpresa-proiektu berrien sorrera bultzatuko du.
Debegesak, Debabarreneko Garapen Ekonomikorako Elkarteak, enpresa berrien sorrera bultzatzeko zerbitzua indartu egingo du, sektore estrategiko eta merkatu-hobi berrien arloan.
Horretarako, Debegesak eragileei laguntza eskainiko die negozio-ideiaren analisia, bideragarritasun azterketa eta txosten ekonomiko-finantzarioa egiterako orduan, eta aholkularitza ere eskainiko die enpresa-proiektua martxan jarri dezaten, hala nola, eman beharreko pausoak, laguntza eta diru-laguntzen gaineko informazioa, finantzazio formulak, itunak…
Debegesak urte askotako eskarmentua du arlo honetan. Ekintzaileei laguntzeko zerbitzua martxan da aspaldidanik Eibarko bulegoetan, enpresa-proiektu berriak abian jartzeko doako aholkularitza eta informazioa emanez. Hain zuzen, 2012an 172 kontsulta jaso zituen Debegesak eta 22 enpresa berri eta 33 lanpostu sortzen lagundu zuen.
]]>
Hain zuzen, datorren asteburura begira, Geoparkeak eskainiko dituen bisita gidatuen artean, 2 esperientzia haurrei zuzenduta daude bereziki. Bata, “Flyscha haurrentzat” eta, bestea, “Artzain Txikiak”.
Biek ala biek harrera bikaina dute bisitarien artean. 2012ko uda sasoian, interneten Euskadiko turismoaren atarian bisita gehien jaso zuten esperientzien artean “Flyscha haurrentzat” bigarren tokian zegoen. “Artzain Txikiak” esperientziaren kasuan, aurten egindako lehen irteeran, martxoaren 29an, taldea guztiz bete zen.
“Flyscha haurrentzat” irteera larunbatean eskainiko da, hilak 13. Etxeko txikienek flyscharen mundu zirraragarriaz gozatzeko aukera izango dute. Irteera honen baitan, bisitariek NAUTILUS Mutrikuko Ikasgune Geologikoa ezagutuko dute, haurrei egokitutako bisita laburrarekin. Jarraian, txikienek geologia tailer dibertigarri batean hartuko dute parte eta etxera eramango duten fosila egingo dute. Amaitzeko, itsas-irteera egingo dute Saturraran inguruko flysch beltza bertatik bertara ikusteko.
Hitzordua arratsaldeko 16:00etan da, Mutrikuko Nautilus zentroan.
“Artzain txikiak” iganderako dago aurreikusita, apirilak 14. Etxeko txikiak artzain bilakatuko dira egun batez. Hasteko, taloa egiten ikasteko tailer dibertigarria egingo dute. Taloa txorizoarekin dastatu ostean, buruan txapela eta makila eskuan hartuta, ardi Latxa artaldea ezagutuko dute eta benetako Idiazabal gazta nola egiten den ikasiko dute. Amaitzeko, ehun-tailerrean hartuko dute parte eta bertan etxera eramango duten tapiza egingo dute.
Hitzordua Lasturren goizeko 10:30etan izango da.
Bisita hauez gainera, larunbatean, apirilak 13, “Flyscheko portuak” izeneko irteera egingo da, aurten estreinatu berri den proposamena. Bisitariek itsasontziz egingo dute zeharkaldia, Zumaiatik Mutrikuraino, eta itsasoarekin harreman estua izan duen lurraldeaz gozatzeko eta bertako ondare naturala eta historikoa nahiz itsas-ondarea bertatik bertara ezagutzeko aukera izango dute. Garai bateko bizimodu, ohitura eta ekonomia-jarduera esanguratsuenak erakutsiko zaizkie bisitariei, hau da, ontzigintza Zumaian, merkataritza Deban eta balearen arrantza Mutrikun.
Hitzordua arratsaldeko 17:00etan, Zumaian.
Euskal Kostaldeko Geoparkea Deba, Mutriku eta Zumaiako udalerriek osatzen dute eta ondare natural, geologiko eta kultural garrantzitsua du. Geoparkeko bisita gidatuen eskaintzak aukera ematen die bisitariei edozein urte garaitan bertako ondare aberatsa ezagutzeko, eta erakargarri garrantzitsuenetakoa da Gipuzkoako turismoarentzat. Irteera hauetan zientzia, natura eta kultura uztartzen dira. Aukera zabala da, publiko osoari zuzenduta.
Informazio gehiago www.geoparkea.com webgunean eskura daiteke. Halaber, bisita gidatuetarako erreserbak webgunean bertan egin daitezke, modu erraz eta erosoan, baita Mutriku, Deba eta Zumaiako Turismo Bulegoetan ere.
]]>Aurten, berrikuntza modura, proposamen berri bat gehitu behar dugu, “Flyscheko portuak” izenekoa. Bisitariek itsasontziz egingo dute zeharkaldia, Zumaiatik Mutrikuraino, eta itsasoarekin harreman estua izan duen lurraldeaz gozatzeko eta bertako ondare naturala eta historikoa nahiz itsas-ondarea bertatik bertara ezagutzeko aukera izango dute. Garai bateko bizimodu, ohitura eta ekonomia-jarduera esanguratsuenak erakutsiko zaizkie bisitariei, hau da, ontzigintza Zumaian, merkataritza Deban eta balearen arrantza Mutrikun.
Bisita gidatuen gaineko informazio osoa eta egutegia geoparkea.com webgunean kontsulta daiteke. Halaber, bisita gidatuetarako erreserbak webgunean bertan egin daitezke, baita Mutriku, Deba eta Zumaiako Turismo Bulegoetan ere.
Audio-gidak atzerritik datozen bisitarientzat eta GeoGourmet
Berrikuntzen artean, aipagarria da baita ere audio-gidak eskainiko zaizkiela atzerritik datozen bisitariei, bai ingelesez eta bai frantsesez, bisitarien artean arrakasta gehien duen jardueran, “Ibilaldi gidatua txalupaz” izenekoa, Deba eta Zumaia arteko flyschgune garrantzitsua ikusteko aukera ematen duen itsas-txangoa, alegia.
Geoparkeak, bestalde, landa garapenaren eta bertako produktuen aldeko apustu sendoa egiten du. Honela, lurraldean bertan ekoiztutako kalitate handiko landa eta arrantza-produktuak bultzatuko ditu, “otar” formatoan eta GeoGourmet izenaren pean. Otarrak Deba, Mutriku eta Zumaiako Turismo Bulegoetan eskuratu ahal izango dira.
Lehen fase honetan, bi otar mota jarriko dira salgai: batak, Idiazabal jatorri izendapena duen ardi-gazta zatia, Getariako jatorri izendapena duen txakolin botila eta poto bat hegaluze oliba oliotan bustia gordeko ditu, 20 euroko prezioan. Bigarren otarrak, sagardo ekologiko botila bat eta Idiazabal jatorri izendapena duen ardi-gazta zatia gordeko ditu, 13 eurotan salgai.
Ekimen honekin Geoparkeak nekazaritzako elikagaien sektorea balioan ipini nahi du, daukan garrantzia aitortuz, ez soilik elikagaien ekoizpenerako, baita ondare kulturalari egiten dion ekarpenagatik, espazioaren kudeatzaile gisa egiten duen lanagatik eta Geoparkeko baliabide naturalen, biodibertsitatearen eta paisaiaren administratzaile izateagatik.
Karakate-Agirreburu ingurunea eta bere ondare natural eta kulturala balioan jartzeko helburuarekin, ibilbide tematiko berri honen egokitzapen eta interpretazio lanetan aritu dira Elgoibar, Soraluze eta Bergarako Udalak, Debegesaren gidaritzapean, Aranzadi Zientzia Elkartea, Debemen eta Gipuzkoako Mendi Federazioarekin batera. Halaber, proiektua aurrera eramateko Eusko Jaurlaritzaren eta Gipuzkoako Foru Aldundiaren laguntza ezinbestekoa izan da.
Proiektu hau aurrera eramateko arrazoien artean dago, ibilbide honek eta orokorrean inguruneak daukan potentzial turistikoa. Dolmenen Ibilbideak turismoarekin lotutako aukerak zabaltzen ditu, bai ingurunean bertan baita landa eremuari dagokionez ere.
Dolmenen Ibilbideak, PR-Gi 94 izendapenarekin, 20 kilometro dauzka eta Karakate-Agirreburu banalerroa zeharkatzen du, Elgoibar, Soraluze eta Bergarako udalerriak lotuz.
Ibilbideak edertasun eta balio handiko kultur eta historia ondarea dauka. Dolmenen Ibilbidean, Aita Barandiaranek hala izendatu zuen, antzina Deba eta Urola bailaren arteko igarobidea izan zen lurretan sartzen gara. Bertan gure arbasoen aztarnak ikus daitezke, Elosua-Plazentzia estazio megalitikoa osatzen duten tumulu eta dolmen multzoa, hain zuzen. Dolmen hauek Karakate, Irukurutzeta eta Agirreburuko tontorrek marrazten duten mendilerroan sakabanatuta daude. Ikuspegi ederrek gainera, are interesgarriagoa egiten dute ibilbidea.
Dolmenen Ibilbidea publiko zabalari zuzenduta dago. Adin eta mota guztietako pertsonek disfrutatu dezakete ibilbideaz. Ibilaldi lau eta lasaia egin nahi dutenek, aukera dute horretarako, historia eta paisaia ederrez inguraturik, baita ibilbide exijenteagoak edo zailagoak gustuko dituztenek ere, badute non aukeratu. Nahieran egin daitekeen ibilbidea da, abiapuntua norberak erabakitzen du, baita amaiera puntua ere, zailtasuna edota desnibela.
Ibilbidea Elgoibar, Soraluze eta Bergarako hiriguneekin dago konektatuta eta Gipuzkoako Mendi Federazioaren irizpideak jarraituz seinalizatu eta balizatu da. Halaber, folleto edo liburuxkak argitaratu dira. Liburuxka hauetan ibilbidearen berri jaso daiteke, interesguneen gaineko informazioa dago eta baita mapa bat ere. Liburuxkak 3 udaletxeetan eta Deba eta Mutrikuko Turismo Bulegoetan eskuratu dezake nahi duenak.
Bisita gidatuak eta tailerrak
Dolmenen Ibilbidea sustatu eta ezagutzera eman asmoz eta inguruneaz gozatzeko antolatutako ekimen batean parte hartu nahi dutenentzat, jarduera programa bat diseinatu da. Batetik, bisita gidatuak egingo dira Karakate-Irukurutzeta mendilerroan, iaz Debegesa garapen agentziak eta Debanatura elkarteak elkarrekin abiatutako “Arbasoen Deia” proiektuari jarraipena emanez, eta bestetik, haurrak dituzten familiei zuzendutako tailerrak egingo dira.
Programa Aste Santuan hasi eta urrira bitartean burutuko da. Guztira 4 bisita gidatu eta 4 tailer egingo dira.
Lehendabiziko bisita gidatua martxoaren 30ean egingo da, goizeko 10:00etan, Karakateko aparkalekutik hasita. Izena emateko Debegesara deitu daiteke, 943 82 01 10, edota Debanatura elkarteko telefonora, 943 19 11 72/695 78 36 56 (azken eguna izena emateko, martxoak 29, ostirala).
Gure ondare naturala eta gure historia ezagutzeko helburuarekin lehendabiziko aldiz datozen bisitariei zuzenduta daude bisita gidatuak, baina baita bertako herritarrei ere, ingurua aski ondo ezagutzen dutenak baina beste begi batzuekin deskubritu nahi duten horiei. Bisitak 3 orduko iraupena du eta gida espezializatu baten laguntzarekin gure arbasoen ezagutzan sakondu ahal izango dute bisitariek: gertaera garrantzitsuak, artzaintzaren hastapenak eta bilakaera, bizimodua, sinesmenak, arrastoen interpretazio eta datuak, indusketen ondorioak…
Bestalde, jarduera-tailerrak 4-12 urte bitarteko haurrak dituzten familiei daude zuzenduta. Izaera ludikoa dute tailerrek, jolasean ikastea dute helburu. Tailer hauek gure arbasoak nola bizi ziren ulertzeko balioko dute, euren biziraupen eta ehizarako teknikak, sinesmenak, artzaintza-lanak…
Elosua-Plazentziako estazio megalitikoa
Dolmenen Ibilbideak daukan balio handienetakoa arkeologikoa da, Elosua-Plazentziako estazio megalitikoa osatzen duten dolmen eta tumulu multzoa, alegia. Euskal Herriko arkeologia orokorra eta, bereziki, Deba bailarakoa aztertzerakoan garantiza handia du estazio megalitiko honek. Estazio megalitiko honen historiaurreko ondarea Bergara, Azkoitia, Antzuola, Elgoibar eta Soraluzeko udalerrietan sakabanatuta dauden 16 monumentuk osatzen dute gaur egun (10 tumuluk eta 6 trikuharrik). Monumentu horietako gehienak j.m. Barandiaranek aurktiu zituen, 1920tik 1921era bitartean, eta berak induskatu zituen, T. Aranzadiren eta E. Egurenen laguntzatz, 1921etik 1922ra. Zoritxarrez, monumentu horietako gehienak espoliatu egin zituzten, lehenengo ikerketak egiten hasi aurretik.
]]>
2012an Debabarreneko 41 enpresak hartu dute parte programa hauetan, Basquetourren zuzendaritzapean, horien artean, hotel eta pentsioak, nekazal txeak, kanpingak, jatetxeak, interpetazio zentroak, museoak, turismo bulegoak, turismo aktiboko enpresak...
Programa hauek, kalitate eta IKTei dagozkienak, turismo-enpresen lehiakortasuna hobetzera daude zuzenduta.
]]>